Адеми и Ристовски ги продолжуваат квалификациите за ЛШ со Динамо
Хрватскиот шампион Динамо Загреб славеше и во реванш натпреварот против Омонија од второто квалификациско коло за пласман во Лигата на шампионите. Овој пат Динамо победи на Кипар со минимални 1:0, а единствениот гол го постигна Лука Менало во 79 минута и со вкупен резултат 3:0 ги продолжува квалификациите за пласман во групната фаза во ЛШ.
Македонските репрезентативци кои настапуваат за Динамо, Стефан Ристовски и Аријан Адеми имаа половичен ефект. Ристовски го одигра целиот натпревар, додека Адеми кој е капитен на Динамо, поради повреда не настапи на натпреварот.
Пласман во следната рунда обезбеди и Легија Варшава која исто така со 1:0 славеше на гости кај Флора Талин и си закажа пресметка со Динамо Загреб во третото квалификациско коло.
Малме ја задржа предноста од еден гол и со ремито 2:2 на гости кај Хелсинки обезбеди пласман во следната рунда каде го чека двомеч со шкотскиот шампион Ренџерс.
Резултати:
Флора – Легија 0:1
Хелсинки – Малме 2:2
Омонија – Динамо Загреб 0:1
Жалгирис – Ференцварош 1:3