Адел: Никогаш не сум била толку вљубена, сакам уште деца. Јас сум домаќинка и матријарх
Британската пејачка Адел во интервју за „ELLE UK“ проговори за врската со нејзиното момче, американскиот спортски агент Рич Пол.
34-годишната Адел и 40-годишниот Рич се запознале пред неколку години на забава, а за првпат во јавноста се појавија пред една година на кошаркарски натпревар. Оттогаш во неколку наврати беа видени заедно на многу натпревари.
„Никогаш не сум била толку заљубена. Опседната сум со него“, изјави Адел.
View this post on Instagram
Пејачката откри дека нејзината желба е да има уште деца.
„Дефинитивно сакам уште деца. Јас сум домаќинка и матријарх, а стабилниот живот ми помага во музиката“, изјави таа.
View this post on Instagram
Но, тие работи ќе мора да почекаат, бидејќи прво треба да настапи во Лас Вегас, настапот кој го откажа во јануари, кога вечерта пред планираниот настап, на својот официјален инстаграм-профил објави видео со солзи дека концертот ќе биде одложен.
„Тоа беше убедливо најлошиот момент во мојата кариера“, призна таа. „Бев толку возбудена за овие настапи. Ужасно беше“, додаде ѕвездата. „Едноставно немаше душа во сето тоа. Сцената не беше добро поставена. Беше многу одвоена од мене и мојот бенд и на сè му недостасуваше интимност“, додаде таа.
View this post on Instagram
Џонатан Дикинс, кој е нејзин менаџер од нејзината 18-та година, вели дека за Адел сè се врти околу автентичноста.
„Да излезеше и изведе настап од кој немаше да биде задоволна, тоа ќе беше измама за фановите“, изјави тој.
View this post on Instagram
Адел и Рич неодамна отпатуваа за Италија и се упатија на островот Сардинија и не им избегаа на локалните папараци. Во интервјуто таа истакна дека долго време сакала да оди таму, но знаела дека таму може да се појават многу папараци, а Рич бил тој што ја поттикнал да патува каде сака.
„Тој ми рече ‘Дали би дозволила тоа да те спречи да одиш на местото каде што најмногу сакаш да одиш на одмор?… За една фотографија, што е најлошото што може да се случи’“, раскажа Адел смеејќи се.
View this post on Instagram
