Полицијата вчера уапсила 60-годишен жител на виничкото село Липец, откако тој, возејќи трактор, најпрво удрил во автомобил „БМВ“, по што избегал од местото, но удрил во бандера, па на крајот и им се заканувал и сакал да се пресметува со сопственикот на „БМВ“-то и неговиот брат, соопшти полицијата.

„Вчера во 19:45 часот во с.Липец, виничко, полициски службеници од ОВР Виница го лишиле од слобода Б.Ѓ.(60) од.с.Липец. Тој, околу 19.15 часот во селото, управувајќи трактор оштетил патничко возило „БМВ“ и го напуштил местото, по што удрил во бандера, а потоа агресивно се однесувал и им упатувал закани на соопственикот на возилото Д.С. и неговиот брат С.С. По документирање на случајот, ќе следува соодветна пријава.