Компанијата „NewCo Ferronikeli Complex“ донесе одлука за отпуштање на 358 работници, објавува Kлан Косова.тв, пренесува Коссев. Раководството на компанијата ја одобри одлуката за спроведување на колективното отпуштање на вработените, кое стапи на сила на 1 ноември.

Во документот до кој дојде Клан Косова, се наведува дека оваа одлука е донесена со цел да се спречи понатамошно продлабочување на финансиската криза. Во документот се истакнува и дека производствената активност е суспендирана поради зголемувањето на трошоците, особено зголемувањето на цената на електричната енергија, што негативно влијаеше на финансиската состојба на компанијата.