Денеска околу 16:15 часот во Тетово полициски службеници од СВР Тетово го лишиле од слобода С.М.(19) од Скопје, со привремено место на живеење во Тетово, кој бил затекнат додека палел кабли со што предизвикал пожар кај железничкиот надвозник на улицата „Маршал Тито” во Тетово, информираат од полицијата.

На надвозникот, преку кој води и сервисна улица кон „Палма мол“ на излезот од градот кон Скопје, има голема дива депонија на која граѓани секојдневно истураат секаков отпад. На само стотина метри од ова место се наоѓа локацијата на поранешната огромна дива депонија покрај силосите за жито на компанијата „Жито полог“, која беше исчистена пред неколку години.

„Со интервенција од тетовската противпожарна единица, пожарот бил изгаснат, а С.М. е задржан во полициска станица и по документирање на случајот против него ќе биде изготвен соодветна пријава“, информираа од полицијата.