Претседателот Ѓорѓе Иванов, по десет години мандат, на 12 јуни ќе ја напушти претседателската резиденција на Водно. Него ќе го наследи новоизбраниот претседател, Стево Пендаровски.

Иванов е еден од најкритикуваните претседатели досега. Некои го сметаа за херој и патриот, некои за предавник и олицетворение на ВМРО-ДПМНЕ и нејзиниот некогашен лидер, Никола Груевски. Неговиот потег, да ги аболицира сите обвинети, претежно функционери на ВМРО-ДПМНЕ, опфатени со „бомбите“ за кои СЈО отвори предмети, беше клучен момент за старт на „Шарената револуција“ која направи историски преврат на македонската политичка сцена. Со оваа револуција, се стави крај на режимот, како што некои го нарекуваа, на Никола Груевски.

Иванов ќе остане запаметен по се освен по тоа дека беше татко на нацијата. Тој исто така, беше и еден од најизолираните македонски претседатели.