Германскиот тенисер Александар Зверев е првиот полуфиналист на грен слем турнирот „УС Опен“, откако во четвртфиналето го совлада Борна Чориќ од Хрватска со 3:2 во сетови.

Зверев иако убедливо го загуби првиот сет со 6:1, ги освои наредните три со 7:6 (5), 7:6 (1) и 6:3.

По вторпат во неговата кариера Германецот ќе игра во полуфинале на грен слем турнир, првпат во Њујорк, САД, откако претходно до истата фаза дојде на „Австралија опен“ во јануари.

Седмиот играч во светот за пласман во големото финале ќе игра со подобриот од пресметката Пабло Карењо Буста-Денис Шаповалов.

Втората полуфинална двојка во машка конкуренција ќе се комплетира после одигрувањето на четвртфиналните мечеви: Данил Медведев-Андреј Рубљов и Доминик Тим-Алекс Де Минаур.

УС Опен: Најдалеку до осминафинале, а сега е полуфиналистка без загубен сет!