Се покажа дека жените стареат побрзо од мажите. Тоа не е изненадување затоа што има многу причини за тоа – од бременост до менопауза, но и многу други животни околности кои имаат влијание врз процесот на стареење кај жените.

Жените страдаат повеќе од стрес отколку мажите

Жените се повеќе склони кон психички слом, особено поврзано со работа, според д-р Џудит Моринг, пренесува N1.

Покрај тоа, хормоналната разлика е она што го објаснува сето тоа. Флуктуациите на хормоните се поврзани со депресија. Покрај тоа, сезонското афективно нарушување повеќе ги погодува жените отколку мажите. Исто така, постојаниот стрес неизбежно води до предвремено стареење.

Жените кои родиле побрзо стареат

Студија спроведена на Универзитетот Џорџ Мејсон докажа дека жените изгледаат единаесет години постари поради бременоста.

Работата е во тоа што жените кои родиле имаат пократки теломери од оние кои никогаш не родиле, а колку пократки сте теломерите, толку постаро изгледате. Покрај тоа, стресот за време на бременоста не е невообичаен, што исто така го забрзува процесот на стареење.

Кожата на мажите е подебела

Според дерматолозите, машката кожа е подебела за 25 проценти од женската. Процентот може да варира од личност до личност, но генерално податоците остануваат исти.

Сепак, иако има помалку брчки на машките лица, оние што постојат се подлабоки од женските.

Нивото на тестостерон е различно

Естрогенот е одговорен за младешкото женско лице, додека тестостеронот е типичен за мажите.

Високото ниво на тестостерон го забавува стареењето. Иако естрогенот служи и како хормон против стареење, неговото производство опаѓа побрзо од производството на тестостерон. Затоа брчките се појавуваат порано кај жените, пишува Bright Side.

Менопаузата го зема својот данок

Губењето на хормоните за време на менопаузата го забрзува процесот на стареење. Кога жените влегуваат во менопауза, нивните тела повеќе не произведуваат колаген како порано. Ова предизвикува губење на еластичноста на кожата.