Што ќе значат измените во Законот за основно образование, но и што треба да направи еден граѓанин доколку биде жртва на дискриминација? Во утринската емисија „Слободен печат“ гледајте го интервјуто со Игор Јадровски – член на Комисијата за спречување и заштита од дискриминација.

Дваесетти ноември е Светскиот ден на хронична опструктивна белодробна болест (ХОББ). Во Македонија висок е процентот на луѓе болни од ХОББ. Многу луѓе не се ни свесни дека се болни од ХОББ. За тоа кои се симптомите, како се лекува оваа болест, со што се соочуваат болните и на кој начин можеме да се заштитиме, зборуваме со доц.д-р Зорица Нановиќ.

Дефицитот од работна сила на македонскиот пазар на труд се надополнува со увоз на странски работници во одредени стопански гранки. Владината стратегија до 2044 година предвидува потреба од голем прилив на странски работници во наредниот период. За тоа како доаѓаат, во кои услови живеат и работат и зошто не остануваат на работните места во Македонија разговараме со м-р Кире Василев, експерт за труд, социјални движења и развој.

И за крај разговор со Ѓоко Зафировски од група „Нема лабаво“ за новиот албум „Памти па врати“.

Гледајте „Слободен печат“ секој работен ден во 9 часот наутро.