Легендарниот француски фудбалер и човек кој до минатата сезона седеше на клупата на Реал Мадрид, Зинедин Зидан смета дека напаѓачот на „кралевите“ Карим Бензема заслужува да ја добие Златната топка за фудбалер на годината.

– Карим се наоѓа во одлична форма. Би му ја дал Златната топка, целосно ја заслужува оваа награда. Тој е неверојатен фудбалер и имав голема чест да соработувам со него. Тој правби се на теренот и се надевам дека ќе биде награден со Златната топка  – изјави Зидан.

Реномираниот магазин „Франс фудбал“ неодамна ја објави листата од 30 имиња кои ќе конкурираат за престижната награда, а друг француски медиум „Лекип“ издвои петмина фудбалери кои ќе се најдат во финалната борба за трофејот, тоа се Карим Бензема, Кристијано Роналдо, Лионел Меси, Роберт Левандовски и Жоргињо.
Свечената церемонија на доделување на наградата ќе се одржи на 29 ноември.