По договор на двата клуба двомечот од третото коло во европскиот Челинџ куп се игра во Србија, а веќе уште по првиот натпревар се знае патникот во наредната фаза.

Македонскиот женски ракометен клуб Пелистер загуби убедливо од Зајечар со резултат 50:20 (26:7), па така се очекува реваншот в сабота да биде само чиста формалност.

На денешниот натпревар битолчанки кои не поведоа ниту еднаш водеа рамноправна битка барем во првите 10. минути.

Најпрвин израмнија преку Белевска на 1:1, па намалија на 3:2 и 5:3, а потоа на теренот како да играше само една екипа. Српскиот претставник направи голема серија од 12:1 што се покажа како клучно за дебаклот на ЖРК Пелистер.

Во редовите на битолската екипа Моника Талевска шестпати се запиша во листата на стрелците, два помалку запиша Драгана Милосављевиќ. На спротивната страна 12 погодоци беа дело на Јана Милошевиќ, а 10 забележа Јована Богојевиќ.