Седумкратниот победник на Австралија Опен, Новак Ѓоковиќ, одбраната на титулата на првиот годинешен грен слем турнир ќе ја започне против германскиот тенисер Јан-Ленард Штруф. Австралија Опен започнува на 20 јануари и ќе се игра до 2 февруари.

Доколку го помине Германецот, Ѓоковиќ во второто коло го очекува пресметка со Такумо Ито или квалификант, а во третото коло може да се сретне со Даниел Еванс или Ласло Ѓере.

Првиот тежок испит за бранителот на трофејот се очекува да биде во четвртфиналето каде е проектирано да игра против Стефанос Циципас или Роберто Баутиста Агут. Во полуфиналето го очекува тениска класика и дуел со Рожер Федерер.

Првиот тенисер на АТП ранг листата, Рафаел Надал, настапот на Мелбурн Парк го започнува во дуелот со Делиен од Боливија, а во неговата половина се наоѓа и сонародникот Пабло Карењо Буста. Во осминафиналето најверојатно го чека дуел со Ник Кирјос или Карен Качанов. Проектиран противник во четвртфиналето е Доминик Тим, додека во полуфиналето е Данил Медведев.

Третиот носител Рожер Федерер на стартот ќе игра со Стив Џонсон, а во второто коло може да се сретне со Филип Крајиновиќ.