Украинскиот претседател Володимир Зеленски изјави дека Киев „ја почитува и целосно ја поддржува“ заедничката изјава на европските лидери за постигнување мир во Украина, а воедно и заштита на украинските и европските интереси.

Француските, италијанските, германските, полските, британските, финските и лидерите на Европската комисија ги поздравија напорите на американскиот претседател Доналд Трамп да се обиде да ја заврши војната, но ја нагласија потребата да се изврши притисок врз Русија и да се обезбедат безбедносни гаранции за Киев.

„Крајот на војната мора да биде праведен и им сум благодарен на сите што денес стојат покрај Украина и нашиот народ за мир во Украина, кој ги брани виталните безбедносни интереси на нашите европски народи“, напиша Зеленски на Икс.

„Украина ја почитува и целосно ја поддржува изјавата на претседателот Макрон, премиерката Мелони, канцеларот Мерц, премиерот Туск, премиерот Стармер, претседателката Урсула фон дер Лајен и претседателот Стуб за мир за Украина.“

Средба Трамп-Путин

Трамп треба да се сретне со рускиот претседател Владимир Путин во петок во Алјаска. Тој се залага за договор што би можел да го реши три и полгодишниот конфликт.

Зеленски и неговите европски сојузници предупредија дека секој договор што бара од Украина да предаде значителни делови од својата територија само ќе ја охрабри руската агресија.

Европејците до Трамп – Путин: Крај на Јалта