Украинскиот претседател Зеленски објави видео во кое се прикажани штетите предизвикани од рускиот напад врз Миколаев во текот на ноќта. Бројот на ранети се искачи на 23, меѓу кои и едно дете, рече тој.

„Окупаторската земја не престанува да докажува дека главната цел на оваа војна е теророт и уништувањето на Украинците и се што е украинско. Русија синоќа го гранатираше Миколаев со четири ракети „Калибар“ истрелани од Црното Море кон приватни куќи, историска зграда и облакодер. Во моментов е познато дека едно лице загина, а 23 се ранети, меѓу кои и едно дете“, напиша Зеленски и им посака брзо закрепнување на ранетите.

Гувернерот на јужниот украински регион Миколаив претходно објави дека во ноќниот руски ракетен напад проектили погодиле станбена зграда и приватна куќа. Едно лице загина, а 15 се повредени, напиша Виталиј Ким на апликацијата Телеграм.