Зајакнете го имунитетот и подобрете ја циркулацијата со ликер од мед - Слободен печат

Зајакнете го имунитетот и подобрете ја циркулацијата со ликер од мед

Ликерот од мед кај нас има многу долга историја. Ако до пред триесетина години бил многу актуелен и речиси и да немало семејство што во својот фрижидер не чува шише со ваков напиток, сепак во последно време изгубил на актуелност. Доколку луѓето би ја знаеле неговата исклучително лековита вредност, во тој случај не би поминувало ниту едно лето, а тие во домашни услови самите да не си подготват ваков ликер.

Историјата на овој пијалак датира уште од времето на Старите Словени и токму затоа важи за едно од најстарите пијалаци со најголема традиција на овие простори. Имено, за Старите Словени медот бил основна намирница што се употребувала како храна и како пијалак.

Лековити својства

Лековитите својства на ликерот од мед доаѓаат токму од присуството на мед и прополис во неговиот состав. Овој напиток ќе ви помогне да ги решите проблемите со циркулацијата, одличен е и во борбата против бактериите и вирусите, а значително го подобрува и варењето на храната и го нормализира апетитот кај децата и кај возрасните.

Покрај тоа важи и за идеален аперитив.

Одличен за прослави

Во споредба со останатите алкохолни пијалаци, дејството на ликерот од мед е зачудувачко. Тој ќе ви помогне да го подобрите расположението, но нема да ви ја одземе силата и концентрацијата како што е случај со другите алкохолни пијалаци. Потоа, по неговата претерана употреба нема да имате главоболка, уште помалку вртоглавица, а од неговото редовно консумирање единствено што ќе добиете е добро расположение, зајакнат имунитет и подобро здравје.

Направете го самите дома

Многумина не знаат дека ликерот од мед се прави многу лесно и тоа во домашни услови, а може да се пие и неколку години. Дури и е препорачливо да го направите дома, бидејќи исклучиво на тој начин ќе знаете дали медот, виното и ракијата што сте ги употребиле во подготовката се со висок квалитет.

Состојки:

500 гр мед
800 мл лозова ракија
100 мл зовриена и изладена вода
100 мл бело вино
1 лимон
прстофат коријандер

Подготовка:

Медот се става во подлабоко тенџере и ставете го на тивок оган да се загрее. Откако медот ќе стане течен, тргнете го од оган и истурете го во ракијата, водата и виното. Потоа сè убаво измешајте и додајте го сокот од лимонот и коријандерот. Сите состојки ставете ги повторно да се загреат и мешајте убаво додека не се соединат.

Вака подготвениот пијалак ставете го во шишиња. Што подолго стои напитокот, толку е подобар.

Прочитај повеќе

ПМС: Од каде таа потреба за толку озборување?

Јасмина Кантарџиева Димков

Хороскоп за 20 јануари – Прочитајте што ве очекува овој понеделник!

Слободен печат

Хари: Меган и јас се упатуваме кон непознато, но навистина немавме друг избор

Слободен печат

Виц на денот: Храброст

Слободен печат

Со женска рака: Поезија од Снежана Стојчевска

Слободен печат

Вашиот адолесцент и сексот: Теми за кои мора отворено да зборувате

Слободен печат

Остави Коментар

12 − two =

Прочитај повеќе

Без титула, но и без пари: Хари и Меган ќе живеат само од лични приходи

Слободен печат

Колку прегратки дневно му требаат на вашето детенце?

Слободен печат

5 превкусни рецепти за вашето бебенце

Слободен печат

Чорба од лук, ем вкусна ем најдобар антибиотик

Слободен печат

Почина мајката на славната пејачка Селин Дион

Најголемите диктатори, освојувале земји во кои самите биле странци (2 дел)

Слободен печат