Загинаа 26 лица при нападот на Ал Шабаб – Слободен печат
ВестиПланета

Загинаа 26 лица при нападот на Ал Шабаб

Меѓу жртвите се наоѓаат државјани на Кенија, САД, Танзанија и Велика Британија, а настрадал и претседателски кандидат на претстојните избори.

Сомалиските безбедносни сили ја завршија операцијата со која е ставен крај на нападот што го изврши синоќа екстремистичката исламистичка организација Ал Шабаб врз хотел во пристанишниот град Кисмај.

Според најновите податоци во нападот се убиени 26 лица. Меѓу жртвите се наоѓаат државјани на Кенија, САД, Танзанија и Велика Британија, а настрадал и претседателски кандидат на претстојните избори.

– Многу луѓе се спасени. Убиени се четворица напаѓачи, изјави сомалискиот полициски претставник, мајор Мохамед Абди, нагласувајќи дека операцијата е завршена.

Припадници на групата Ал Шабаб, која е поврзана со Ал Каеда, упаднале во хотелот по експлозијата на автомобил-бомба пред објектот, каде што се одржувал митинг на локални старешини и пратеници за претстојните регионални избори.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close