Заев: И европските земји избегнуваат национална обоеност на фашизмот
Премиерот Зоран Заев во гостување на ТВ24, во врска со бришењето на одредницата „бугарски“ пред „фашистички окупатор“ од македонските учебници и споменици, вечерва изјави дека „во 21-век, не треба да се гледа на работите преку именување на нацизмот со етничка боја“.
„Ако сакате да градите пријателство и добри односи, треба да постапуваме правилно. Спомениците остануваат обележја на фашизмот и затоа се изградени. Бугарски фашистички окупатор не значи дека го девалвираме фашизмот, односно го омаловажуваме. Тоа е преголемо зло. Непријатно е да се именува целата нација како фашистичка. Во европските учебници, во духот на пријателството, се избегнува националната обоеност на фашизмот“, рече Заев.
Тој додаде дека не може да се меша во историјата или да ја смени.
„Историјата е таа и насекаде е околу нас,“ рече премиерот.