За Шведска моментално „не е актуелно“ испраќањето на војници во Украина

Шведскиот премиер Улф Кристерсон/Фото: Belga / ddp USA / Profimedia

Испраќањето војници во Украина во моментов „не е на маса“, изјави денеска шведскиот премиер Улф Кристерсон, чија земја ќе стане 32-та членка на НАТО.

„Во моментов тоа не е актуелно“, изјави премиерот за шведскиот канал СВТ, реагирајќи на изјавата на францускиот претседател Емануел Макрон, кој рече дека испраќањето западни трупи на украинска територија не би требало да биде исклучено во иднина.

„Во моментов сме зафатени со испраќање опрема во Украина“, нагласи шефот на шведската Влада.

На 20 февруари Стокхолм најави воена помош (15-ти пакет) за Киев во форма на опрема во вредност од 633 милиони евра, вклучувајќи артилериска муниција, воени бродови, противвоздушни системи и гранати.

„Нема барање од украинската страна за копнени трупи“, додаде Кристерсон.

Унгарскиот Парламент вчера гласаше за влез на Шведска во НАТО, речиси две години по почетокот на пристапниот процес на земјата.

„Шведска е подготвена да ги преземе своите одговорности во поглед на евроатлантската безбедност“, рече Кристерсон по гласањето во Унгарија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот