Вухан излезе од карантин: Како изгледа првото жариште на коронавирусот после два месеци изолација (ВИДЕО)
Главниот град на кинеската провинција Хубеи, каде за првпат се појави новиот коронавирус, од денеска повторно е отворен по 76-дневна блокада.
Препорачано
Градот со над 11 милиони жители, кој беше најтешко погоден од коронавирусот во Кина, го прослави своето повторно отворање со полноќна игра на светлата.
Kovid-19'un çıkış noktası Vuhan'da karantina sona erdi: Kentte kutlamalar gerçekleştirildi https://t.co/Ozhmze34No pic.twitter.com/bq3ZEJLJWC
— Sputnik Türkiye (@sputnik_TR) April 8, 2020
Властите ги отворија патишта што излегуваат од градот и им дозволија на луѓето да го напуштат градот со автомобил.
Вухан од 23 јануари беше практично изолиран од светот поради епидемијата на коронавирусот, а сообраќајот со градот беше целосно прекинат.
Пред повторно да биде отворен, централната кинеска провинција Хубеи објави дека ќе продолжи да спроведува мерки против Ковид-19, иако нејзиниот главен град Вухан ја укина забраната за патување.
Факултетите, основните и средните училишта, средните стручни училишта, технички училишта, како и градинките низ целата провинција ќе продолжат со одложување на почетокот на полугодието, се вели во објавата.
