Во општина Кисела Вода, во населбата 11 Октомври – згради се реконструирани две улици и е обезбеден дополнолнителен простор за паркирање во близина на основното училиште „Кирил Пејчиновиќ“.

Со асфалт и павер елементи уредивме 1800 квадрати површина на улиците „Народни Херои” и „Пушкинова”, сообрaќајници кои се во непосредна близина на ООУ ,,Кирил Пејчиновиќ”. Овој настан е уште една потврда дека заложбите за надминување на сообраќајните предизвици со кои се борат сите урбани заедници и понатаму остануваат да бидат високо на листата од моите приоритети на делување како градоначалник – вели градоначалникот Орце Ѓорѓиевски.

Тој информира дека со новите 40-тина паркинг места на овој простор, бројот на новоизградени паркиралишта за две години се искачил на 1320.