Во заедничка акција на Бирото за јавна безбедност при МВР и на Царинската управа, вчера (12.02.2025) на граничниот премин „Богородица“ беа запленети 188,6 килограми марихуана, соопштија денеска од МВР, додавајќи дека на тој начин е спречен меѓународен канал за шверц на дрога.

„Тревата“, според МВР, требало да заврши во Турција. Уапсени се двајца возачи на камионот и против нив е поднесена кривична пријава.

Возачите, едниот од Тетово, а другиот од кумановско, на 8 февруари влегле во државата на преминот „Блаце“ од Косово, со камионот, а следниот ден едниот од нив го презел камионот и од место меѓу Куманово и Крива Паланка, тргнал кон „Богородица“. На граничниот премин е извршена детална контрола на камионот, при што помеѓу компресирана рециклирана хартија во четири бали е пронајдена дрогата. Проценетата вредност на дрогата на црниот пазар изнесува 707 илјади евра, пресметале Царината и полицијата.

Пронајдена дрога во камион товарен со хартија за рециклирање