-6 C
Скопје

Во Германија заразени 18.681, најмногу за 24 часа

Германија регистрира рекордни 18.681 нови случаи на заразени со новиот коронавирус во изминатите 24 часа, соопшти Институтот за контрола на болести Роберт Кох, додека државата се подготвува за нови анти-епидемиски мерки следната недела, јави ДПА.

Вчерашните бројки се трипати повисоки од нивоата регистрирани за време на првиот пик на инфекцијата кон крајот на март и почетокот на април, иако од тогаш обемот на тестови значително се зголеми.

Вкупниот број на потврдени случаи во Германија е 499.694. Бројот на смртни случаи е 10.349, што е зголемување за 77 од четвртокот. Крајбрежните провинции Шлезвиг-Холштајн и Мекленбург-Западна Померанија, кои се популарни меѓу туристите, вчера објавија дека сите туристи треба да заминат до почетокот на следната недела.

Прочитајте и...  ВИДЕО | Георгиевски: Нешто во позадина се крчка - ќе видиме дали ќе се дојде до решение пред самитот на ЕУ

Федералните и покраинските влади се согласија во средата да ги засилат мерките за ограничување на контактите и затворање на продавниците за целиот ноември, во обид да се ограничи коронавирусот пред Божиќ.

Објектите за култура и рекреација ќе бидат затворени. Ова исто така важи и за ресторани и барови. Надворешните собири ќе бидат ограничени на членови на не повеќе од две домаќинства, најмногу до 10 лица.

Натпреварите во Бундеслигата ќе бидат без гледачи, нема да има аматерски спортски натпревари, а ќе бидат затворени и спортски сали, базени, салони за убавина, салони за масажа и салони за тетовирање.

Мерките стапуваат на сила од понеделник.

Поврзани вести

ВИДЕО | Трамп: Не се борам за себе, туку за 74 милиони луѓе кои гласаа за мене

Слободен печат

ВИДЕО: Отворено едно од најголемите лизгалишта во Европа

Слободен печат

ВИДЕО: ФБИ и ФДА на готовс против ковид-19 профитерите

И.И.

Во Јужна Кореја поради птичји грип усмртени околу 400 илјади живина

Слободен печат

Рекордна сеча на бразилските дождовни шуми во 2020 година

И.И.

Азар: Првите две вакцини за коронавирус во САД ќе бидат пуштени пред Божиќ

И.И.

Остави Коментар