13 C
Скопје

Во Дебар досега направени над 1.100 тестови, позитивни 153 лица

Во изминатото деноноќие во Дебар потврдени се два нови случаи на заразени со Ковид-19, нема ново оздравени, додека нема ниту починати лица.

– Состојбата е тешка. Секојдневно имаме новозаразени, се поголем е бројот на оние кои се јавуваат со симптоми , но има лица кои поради лесната форма на болеста не се јавуваат за да им се земе брис. Не можеме да поврземе кој од каде се заразил, не кажуваат кој со кого бил во контакт. Еве само денеска земени се брисеви на 31 лице, изјави за МИА епидемиологот Ментор Меља, раководител на Работната единица на Центарот за јавно здравје.

Тој вели дека е разочаран од своите сограѓани поради непочитувањето на мерката за носење заштитна маска и одржување физичка дистанца.

Посочи дека од крајот на февруари до сега, направени се над 1.100 тестови. Позитивен резултат е добиен кај 153 лица,од нив пет од Центар Жупа.

Битката со опасниот вирус ја добија 57, починаа петмина, активни на болеста се 91 лице, од кои десеттина се хоспитализирани во Инфективната клиника и болницата „Осми септмври” во Скопје.

Инаку, Општинскиот оперативен штаб на Дебар, вчера достави барање до Главниот кризен штаб за справување со пандемијата од Ковид-19, во Општата болница да се испратат еден пулмолог и еден инфектолог.

Поврзани вести

Вучиќ: Вложија повеќе од 1,2 милијарди евра за да ме срушат од власт

Филипче: Вечерва пристигнаа 38 400 вакцини од производителот „Астра-Зенека“

Слободен печат

Откриена е позадината на големата израелска акција: „Веста за инвазијата беше стапица“

Ерменија побара воена помош од Русија поради тензиите со Азербејџан

Горан Наумовски

Словенија го постави израелското знаме на зградата на Владата

Горан Наумовски

Поранешен припадник на зелените беретки во САД осуден за шпионажа во полза на Русија 

МИА Агенција

Остави Коментар