Деловните знаци и жигови на „Слободен печат“ вчера беа злоупотребени во официјален предизборен спот на ВМРО-ДПМНЕ.

Во спотот потпретседателот на партијата Александар Николоски се пресметува со својот политички опонент Зоран Заев со употреба на насловната страница на „Слободен печат“. Тој седнат на биро ја разгледува насловната страница на „Слободен печат“ на која весникот информира за случајот „Рекет“ и ја користи како амбиент за да го почне своето предизборно излагање и политичка пропаганда.

Станува збор за неовластена употреба на логото и жигот кои се сопственост на компанијата.

Спотот е пласиран на социјалните мрежи и официјалните страници на Николоски, а во него политичката пресметка е насочена до разни области помеѓу кои правосудството, одбрана на името и други теми.