Виландер: Ѓоковиќ е фаворит во финалето, но сервисот на Кирјос е можеби најдобар
Новак Ѓоковиќ и Ник Кирјос в недела (15.00 часот) ќе играат во големото финале на грен слем турнирот „Вимблдон“ во Лондон.
Србинот има шанса да го освои седмиот трофеј на „Вимблдон“, четврти по ред, додека ова е прво Грен слем финале во кариерата за Австралиецот.
Шведската легенда и воедно стручен аналитичар, Матс Виландер никогаш не освоил титула на лондонската трева, но многу добро знае што ги чека сите љубители на тенисот.
– Очигледно Новак Ѓоковиќ е фаворит на хартија, но сервисот на Ник Кирјос е можеби најдобар од времето на Пит Сампрас. Тешко е да се разбере како Новак ќе ги врати повеќето од тие сервиси во игра, но повторно, тоа е Новак Ѓоковиќ – вели Виландер.
Швеѓанецот смета дека многу зависи од тој почетен елемент кај Кирјос.
– Се некако зависи од тоа како ќе сервира Кирјос, доколку има одличен ден, има шанси. Ќе му биде многу тешко да се справи од основната линија. Да, Новак Ѓоковиќ е фаворит, но сите сакаат Кирјос да игра добро за да имаме одлично финале на „Вимблдон“ – се зборовите на Виландер.
Новак: Ќе биде интересно во финалето, односот со Кирјос сè уште не би го нарекол „романса“
Кирјос: Никогаш повеќе нема да видиме тенисери како Рожер, Рафа и Новак