Виландер: Ако некој може да го победи Надал на Ролан Гарос, тоа е Ѓоковиќ!
Во среда ќе се одиграат уште два четвртфинални мечеви кај мажите на грен слем турнирот во Париз, Рафаел Надал ќе се соочи со Диего Шварцман, а Новак Ѓоковиќ за ривал го има Матео Беретини.
Победниците од тие дуели силите ќе ги одмерат во полуфиналето, а сите предвидуваат нова епска битка помеѓу „кралот на земјата“ Надал и првиот светски рекет Ѓоковиќ.
Легендарниот Матс Виландер го коментираше потенцијалниот нов дуел помеѓу шпанскиот и српскиот ас. Доколку двајцата триумфираат во своите мечеви, ќе се сретнат по 58 пат.
Ѓоковиќ води со 29:28 во меѓусебните пресметки, а на грен слем турнирите Рафа е во предност од 10:6, а на „Ролан Гарос“ Шпанецот има убедливи 7:1.
– Мислам дека е можно да се победи Надал, не сигурно, но Новак може да го победи. Тешко е за сите други. Мислам дека условите како брзината и сувоста беа совршени за Рафа, но мислам дека Новак всушност има поголема шанса, бидејќи неговиот сервис станува „оружје“. Во минатото, мислевме дека Новак има поголема шанса доколку условите се тешки, но тоа се должи на прилагодувањето на Рафа од брза подлога еден ден на побавна следниот ден. Неговото прилагодување беше исто така поголемо од она на Новак, но видовме во септември дека на Рафа не му е грижа какви се условите, доколку има време да се подготви. Значи, мислам дека е добро за Новак. Може ли да го победи? Секако, доколку верува во тоа. Мислам дека финалето од минатата година нема да има влијание – вели Виландер.