Викторија Аврамовска Мадиќ /Слободен Печат/фото Слободан Ѓуриќ

ВИДЕОИНТЕРВЈУ | Аврамовска – Мадиќ: Законот за рестриктивни мерки е барање на граѓаните во борба со корупцијата

За да стaнеме дел од ЕУ еден од условите е владеење на правото и борба против корупција. Токму овие рестриктивни мерки што се предлагаат сега се дел од борба против корупцијата, вели заменик министерката за правда Викторија Аврамовска-Мадиќ во интервју во утринската програма „Слободен печат“.

-Овој закон, за рестриктивни мерки ќе помогне што побргу процесот да се одвива, бидејќи граѓаните тоа го очекуваат цело време од нас. Ниту Владата ниту било кој друг освен граѓаните не кажуваат дека довербата во судството е нарушена и дека борба против корупција нема, вели Аврамовска Мадиќ.

„Кај нас не беше тоа регулирано и процесуирано во еден одреден закон. САД како стратешки партнер на Република Северна Македонија става физички или правни лица на таа листа во оној момент со нивна процедура во нивната држава со доволен број на докази и кога таа листа ќе се најде кај нас мораше да се најде соодветен начин како државата да постапи и како да се бори против тие одредени субјекти за побргу да продолжи борбата против корупција“, вели заменик министерката за правда.

Аврамовска-Мадиќ смета дека ние имаме законски добри решенија во државата, иако имплементацијата може е намалена, меѓутоа извршната власт е таа која треба да донесе еден тип на законски норми кои ќе ги убрзаат и подобрат процесите и ќе помогнат одредени вршители на јавни функции и одредени лица кои се нашле на т.н. црна листа да може да да влезат во законодавната рамка во системот.

Целото интервју со заменик министерката за правда Викторија Аврамовска Мадиќ погледенете го во продолжение:

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот