ВИДЕО | Зрак надеж од под урнатините: Близначиња стари година и пол извлечени живи во Турција
Речиси два дена по катастрофалните земјотреси кои однесоа илјадници животи во Турција и Сирија, спасувачите извлекле живи близначиња стари година и пол, Амине и Ахмет Елчин, од под урнатините на петкатна зграда во градот Газиантеп, јави „Анадолија“.
Спасени биле и родителите на двете дечиња, пренесува агенцијата, која објави снимка од моментот кога преживеаните беа извлечени, на општа радост на спасувачите и сите присутни.
Илјадници спасувачи работат деноноќно за да извлечат преживеани од под урнатините.
Според досегашните официјални бројки, во серијата потреси вчера и завчера во Турција и Сирија, загинале преку 7.200 луѓе, а над 25.000 се повредени.