Авионот на компанијата „Рајанер“, кој во петокот полета од Лондон до Канарскиот остров Ланзароте, мораше да слета во Португалија, откако седум патници се степаа, објави весникот „Дејли мејл“. Неименуван сведок изјавил дека сите биле Британци, а извор од португалската полиција рекол дека сите се уапсени.

Локалниот весник „Ла воз де Ланзароте“, цитирајќи изјава на сведок, наведе дека „група мажи пиеле и малтретирале некои патнички“.

Shocking moment Ryanair holidaymaker is dragged off the flight in a headlock by police .. A holidaymaker was today grappled into a headlock and violently marched off a Ryanair flight by police after a Luton to Lanzarote flight was diverted to Portugal because
of his behaviour .. pic.twitter.com/D4Wl2NSD5f

— Martha (@MGonigle) January 19, 2024

Авионот полетал од аеродромот „Лутон“ во 8:15 часот, а требало да слета во 12:15 часот на Ланзароте. Но, тој бил пренасочен на аеродромот „Фаро“, на југот на Португалија, каде слетал во 10:50 часот.

„Дејли мејл“ на својата веб-страница објави видео на кое се гледаат четворица полицајци во униформа како насилно изнесуваат маж што дава отпор надвор. Некои патници го снимиле настанот, некои викале „збогум“, а една жена извикала: „Браво“.

Cops drag aggressive man off Ryanair flight from UK to Lanzarote during an emergency landing in Portugal pic.twitter.com/D0k09K0p8t

— E&N (@E_and_News) January 20, 2024

Минатиот месец, уште три авиони од Велика Британија принудно слетаа на „Фаро“.

Авионот од лондонскиот аеродром „Станстед“ на пат кон Лисабон бил пренасочен поради технички проблем на 20 декември. Осум дена претходно, поради технички проблем, таму беше пренасочен и авионот што полета од Манчестер кон канарскиот остров Тенерифе. „Дејли мејл“ не соопшти што точно е проблемот, но авионите нормално слетале на „Фаро“.

Пред тоа и авионот на летот од Лондон Станстед кон Мароко слета на „Фаро“, бидејќи на пилотот му се слошило. Авионот исто така нормално слетал на аеродромот, а патниците биле префрлени на нов лет за Мароко.

Декември и јануари се месеци кога многу туристи од Британија патуваат на сончеви дестинации како Канарските острови и Мароко за време на зимскиот одмор.