ВИДЕО: Загинаа четворица планинари на француските Алпи, огромна лавина ги поклопи за миг
Во лавина на француските Алпи, најмалку четири луѓе загинаа, објави на Твитер Министерот за внатрешни работи на земјата, Жералд Дарманин.
„Лавина се случила среде бел ден кај глечерот Амансет на Алпите. Привремениот извештај покажува 4 загинати и неколку повредени. Спасувачите се уште работат, им благодариме за нивната акција“, објави на Твитер Министерот за внатрешни работи на Франција Жералд Дарманин.
Une avalanche s’est produite en milieu de journée au glacier d’Armancette, dans les Alpes. Le bilan provisoire fait état de 4 personnes décédées et plusieurs blessés. Les secours sont toujours à l’œuvre. Merci pour leur action. Pensées pour les victimes et leurs proches.
— Gérald DARMANIN (@GDarmanin) April 9, 2023
Локалната радио станица „France-Bleu“ објави дека лавината била долга еден километар и широка 100 метри. Два хеликоптери се испратени да помогнат во потрагата.
Avalanche in #French #Alps. Four people died and several were injured. Tragedy 😟🙏pic.twitter.com/MxJJq1D8E2
— Auron (@auron83591234) April 9, 2023
Покрај четворицата загинати кои биле планинари, во моментот на несреќата имало уште девет лица, но се уште се утврдуваат информациите за нивната состојба.
Инаку во популарниот ски-центар Мала Мојстровка во Словенија денеска се случи голема несреќа кога лавина „однесе“ седум лица.
Иако првите информации беа дека животот го загубиле осум лица, набрзо полицијата излезе со информација дека седум лица се спасени, но се уште не се знае степенот на нивните повреди, известија од ПУ Нова Горица, а пренесуваат Словенске новине. Исто така, не се знае од која националност се повредените.
Ужас во Словенија: Снежна лавина затрупа 7 лица, итно активиран спасувачки хеликоптер
