Непристојниот гест што го направи во етер водителката на Би-Би-Си, на почетокот на известувањето во живо во 12 часот во средата, стана вирален во последните неколку часа.

Според Дејли Мејл, Маријам Мошири била разоткриена со подигнат среден прст веднаш по презентирањето на воведните наслови, откако очигледно не сфатила навреме дека започнал преносот во живо.

This isn’t satire, an actual BBC News presenter got caught giving the middle finger live.

Maryam Moshiri summing up the professionalism currently at the BBC. pic.twitter.com/QoJ4FT133J

— Chris Rose (@ArchRose90) December 7, 2023

На снимката што го обиколи интернетот, се чини дека Мошири веднаш сфатила што се случило, целосно го промени изразот на лицето и почна да чита вест за Борис Џонсон.

„Во живо од Лондон, гледате вестите на Би-Би-Си“, се слуша како вели водителката, продолжува таа професионално да ја води програмата.

Сепак, фактот што неколку моменти подоцна таа рече „коронаверс“ наместо „коронавирус“ во врска со пандемијата сугерира дека можеби се чувствувала понервозно, откако сфатила дека на нејзиниот гест од почетокот на информативниот блок сведоци биле илјадници гледачи.

На социјалните мрежи имаше различни коментари за гестот на Мошири, од критики за водителката за недостаток на професионализам, додека други изразиле разбирање за неволјата во која се нашла.