ВИДЕО | Василева: На новото издание на Пич прич ќе има многу смеење

Ана Василева
Ана Василева / Утрински брифинг

По повод 10 годишнината на фестивалот за феминистичка култура и акција, во организација на Тиииит! Инк, на 13 мај (петок) во Филхармонијата ќе се одржи гала настанот на иницијативата ПичПрич на тема „Цепки“.

Свои интерпретации на темата ќе раскажат петмина локални раскажувачи кои со своите настапи веќе оставиле голем впечаток на публиката на ПичПрич – уметницата Јана Јакимовска, планинарката и уметница Илина Арсова, писателот Петар Андоновски, радио водителката Маја Казакова, како и режисерката Софија Ристевска. Како и на сите други гала настани на ПичПрич, настапува и една регионална раскажувачка, а тоа е хрватската книжевничка и активистка Мима Симиќ.

„Од моето искуство има во хуморот, едната која е многу позастапена е често исмевање со инаквоста, со другоста и ми се чини дека служи најмногу за одржување на доминантните односи на моќ во општеството. Хетеронормативен е тој хумор, ги исклучува тие што се малку поинакви, ги напаѓа тие што немаат пристап до средства итн. На доделувањето на Оскарите видовем еден таков обид за хумор и колку неславно заврши. Има и една друга нишка која се’ повеќе зазема простор особено на интернет, а тоа е токму исмевање на луѓето што се на позиција на моќ, што е и традиционална улога на хуморот, тоа е улогата на џокерот, оној што кажува дека кралот е гол и што ја разнишува ситуацијата на статус кво. Е сега традиционалниот хумор ги исклучува жените, кај нас нема жени комичарки, тоа се мажи за кои жените служат како украс или предмет на исмевање, особено ако на жени кои дошле на некоја позиција во општество затоа што тоа се смета за „неприродна“ улога на жената. Но во последиве години во светот се зголемува бројот на жените комичарки и тоа придонесува да се сменат тие позиции на статус кво“, вели за Утрински брифинг, Ана Василева, една од авторките на ПричПич.

Проследете го целиот разговор во видеото

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот