Фудбалерите на Лидс и Лестер ремизираа 1:1 во натпреварот од 33 коло во Премиер лигата. Во дербито на екипите кои се борат за опстанок домаќините беа поблиску до победата, но Варди со погодокот во финишот им донесе бод на „лисиците“.

Во текот на првото полувреме гостинскиот играч Тилеманс постигна гол, но истиот беше поништен поради офсајд.

Водечкиот гол за домашните фудбалери беше реализиран во 20 минута кога Харисон асистираше до Синистера кој стрелаше прецизно во мрежата на Иверсен.

Лидс (30 бодови) и Лестер (29) и натаму остануваат „безбедни“, а сега ги чекаат натпреварите на Евертон (28), Нотингем (27) и Саутемптон (24) кои се во опасната зона за испаѓање.

Се одиграа уште два меча во вторникот, Вулверхемптон со 2:0 го совлада Кристал палас, додека Астон вила минимално славеше над Фулам (1:0).