Во второто коло од групата „А“ во фудбалската Лига Европа денеска ТСЦ со 2:2 ремизираше против Олимпијакос.

По првото полувреме на ТСЦ Арена во Бачка Топола водеа Грците со голот на Марусас во 16 минута, а позитивата беше зголемена во 57 минута преку Поденс.

Израмни српската екипа со погодокот на Ѓаковац (63`), а гостите останаа со еден играч помалку по црвениот картон на Нтои.

Во 87 минута за ТСЦ во игра влезе македонскиот интернационалец Мартин Мирчевски, а 180 секунди подоцна конечниот епилог го постави Пантовиќ.

Вест хем во истата група славеше со 1:2 на гостувањето кај Фрајбург. На табелата води Вест хем со шест бодови, три има Фрајбург, а по еден Олимпијакос и ТСЦ.

Во другите мечеви од второто коло во Лига Европа: АЕК Атина – Ајакс 1:1, Арис – Ренџерс 2:1, Бетис – Спарта Прага 2:1, Марсеј – Брајтон 2:2, Ракув – Штурм Грац 0:1, Спортинг – Аталанта 2:2.