Фудбалерите на Пари Сен Жермен доживеаја неочекуван пораз на домашен терен, каков што одамна не паметат во рамки на Лига 1.

На стадионот „Паркот на принцовите“ триумфираше Монако со 3-1 и на тој начин ја задржа неизвесноста во борбата за шампионската титула. Постоеше реална можност актуелниот француски и европски шампион да се одлепи на седум бода предност, но со овој пораз ситуацијата на табелата повторно се комплицира.

За ПСЖ ова е веќе четврти пораз во сезоната, што му отвора простор на Ленс со евентуална победа да се доближи на само еден бод во трката за врвот.

Гостите од кнежевството до триумфот стигнаа со головите на Магнес Аклиуш, Александар Головин и Фоларин Балогун.

Единствениот погодок за составот предводен од Луис Енрике беше дело на Бредли Баркола.