Американскиот претседател Доналд Трамп доживеа турбуленции во претседничкиот авион „Air Force One“ при враќањето од азиската турнеја и состанокот со кинескиот лидер Си Џинпинг.

Сцената е забележана на снимка што кружи на социјалните мрежи, на која се гледа Трамп како разговара со новинарите додека авионот се тресе.

„Во Азија има силни ветрови, ова е тежок лет. Можеби можевме да почекаме уште еден час. Тешки услови за интервјуирање. Ќе гледаат на Трамп и ќе речат – не изгледаше баш најдобро“, изјави Трамп со насмевка, обидувајќи се да ја задржи шегата и покрај турбуленциите.

На снимката се слуша и глас, најверојатно на еден од новинарите, кој му дофрла:

„Изгледате прилично стабилно“.

Трамп на тоа само се насмеал.

Да потсетиме, американскиот претседател денес се сретна со кинескиот претседател Си Џинпинг во Бусан, во рамките на својата азиска турнеја. Средбата траела повеќе од еден и пол час, но засега не се откриваат детали за што точно било разговарано.

President Trump: “These are rough winds in Asia, I must tell you, this is a rough flight. They’re gonna watch Trump and say, ‘he didn’t look too good, he’s got the shakes.'” pic.twitter.com/LBLw7H7lsu

— Open Source Intel (@Osint613) October 30, 2025