Едноставен тест со отпечаток од прст за проверка на рак на дојка би можел да го замени мамографот, спасувајќи животи, штедејќи пари и зголемувајќи го бројот на направени тестови, според истражувачите од Универзитетот Шефилд во Халам, Британија.

Отпечатоците од прсти содржат пот и тестот ја разгледува молекуларната структура на отпечатокот со помош на масена спектрометрија, систем кој ја мери атомската тежина на честичките и молекулите за да ги идентификува, пренесува „Еј-би-си њуз“.

Breast cancer fingerprint test could replace the mammogram https://t.co/q3Ss2Dd0H5

— ABS-CBN News (@ABSCBNNews) January 3, 2024

„Големиот дел од моето истражување беше, скоро 15 години, во форензиката, но пред неколку години открив можност да преминам од форензичка на медицинска дијагностика со помош на пот“, изјавила Симона Франсезе, професорка по форензичка и биоаналитичка масовна спектрометрија на Универзитетот Шефилд.

Форензичкото истражување на проф. Франсезе имало за цел да помогне во профилирањето на осомничените за криминал, преку обезбедување разузнавачки информации за нивниот начин на живот користејќи само отпечатоци од прсти. Сознанието дека тие можат да ги идентификуваат и маркерите на ракот, бил момент на еурека.

„Потта содржи многу различни молекули, но она што нè интересира се протеините“, рече таа.

„Тие протеини и различните нивоа на изразување на тие протеини и различни фактори на изразување ни кажуваат дали пациентот има бенигна патологија, односно дали има рак (во ран стадиум) или е метастазиран и ние користиме вештачка интелигенција за да ги разбереме податоците од масената спектрометрија”, објаснила таа.

Пионерското истражување се потпира на масовна спектрометрија за јонизирање со матрикс со помош на ласерска десорпција (MALDI-MS), користејќи машини направени во Британија од корпорацијата „Вотерс“ (Waters).

„Од потта од отпечаток од прст, ние всушност можеме да одредиме контролни примероци од примероци со потенцијален рак“, рече д-р Џим Лангриџ, научен соработник во корпорацијата „Вотерс“.

Се надеваме дека во иднина едноставен неинвазивен тест со отпечатоци од прст би можел да го замени мамографот кој не само што е болен, туку вклучува преглед во специјализиран центар со обучен персонал, кој трае најмалку 20 минути. Иако, проф. Франсезе вели дека мамограмите и биопсиите се сè што имаме во моментов за да го идентификуваме ракот на дојката.

„Апсолутно ќе ги охрабрам жените да ги прават тие тестови бидејќи тие сè уште спасуваат животи“, рече таа.