Кошаркарите на Голден стејт направија брејк во првиот натпревар од НБА плеј-офот во Западната конференција. Вориорс во Тојота центар славеа со резултат 95:85.

Играчот на Голден стејт Стеф Кари беше повеќе од расположен на овој меч, промаши само четири тројки од девет обиди, и беше најдобар во својот тим, со 31 поен.

Џими Батлер го следеше Кари со 25 поени, седум скокови и шест асистенции, додека Брендон Подзиемски постигна 14 поени, а овие тројца кошаркари беа единствените со двоцифрен број поени на овој дуел.

За Хјустон, Алперен Шенгун беше на работ на дабл-дабл со 26 поени и девет скокови, Дилан Брукс имаше 11 поени, додека Фред Ван Влит постигна само 10 поени за 40 минути на теренот.

Лошиот процент на шут за три поени беше еден од клучните фактори на оваа средба, каде што Рокетс постигнаа само шест тројки, додека Голден Стејт беше многу подобар во тој параметар.

Хјустон беше одличен во првиот период, каде што имаше водство од три поени, но втората четвртина беше клучна која Голден стејт ја освои со 29:13.

Вориорс влегоа на полувреме со големо водство, додека во вториот дел го контролираа резултатот и не му дозволија на Хјустон да се приближи и со тоа да се загрози триумфот на гостите.