ВИДЕО | Случај Лев Тахор: Зрело ли е македонското општество да ги прифаќа различностите
Тоа што се случи во последните три дена со Заедницатаа на верници од еврејска припадност Лев Тахор, е класична рефлексија на тоа како реагираме на она што е различно од нас.
-Треба да бидеме внимателни на тоа на што поточно се спротивставуваме. Ако линијата на спротивставување е во насока на тоа дека која било друга група верници или кој било друг поединец во општеството поттикнува психичко или физичко насилство тогаш е момент кога треба да се спротивставиме, вели за Утрински брифинг Самет Шабани од „Хоризон цивитас“ – Здружение за граѓански активизам и поттикнување на општествена одговорност.
Шабани додава дека ако доменот на спротивставување е во насока на тоа дека групата се облекува различно од другите, или начинот на облекување е различно од т.н норма во општествата, всушност докажува дека не сме доволно зрели да прифаќаме нешто различно од нас.
Ова е дел од разговорот со Шабани околу темата за припадниците на еврејска верска група Лев Тахор, кои деновиве престојуваа во Куманово и беа мета на негативни реакции од месното население.