Екипата на Ливерпул вчера на „Вембли“ го одигра својот прв официјален натпревар во новата сезона, а во него беше поразен од Кристал палас во битката за Комјунити шилд трофејот по изведувањето на пенали, откако во регуларниот дел беше 2-2.

Покрај случувањата на теренот внимание на оваа средба привлече и еден момент пред натпреварот кога мал дел група навивачи на Кристал палас ја прекинаа минутата молк во чест на Диого Жота.

This is why I hate Crystal Palace and there disgusting fan base, booing during the minute silence for Diogo Jota. @CPFC I hope you get relegated and never get back up you broke club pic.twitter.com/YpBBYkbMP8

— Kurdy (@AfcKurdy) August 10, 2025

Судијата Крис Каванаг беше принуден на неколку секунди да го прекине оддавањето чест на Португалецот откако од дел од трибината со навивачи на Кристал палас се слушаа свирежи.

Таквото однесуваање отворено по средбата го критикуваше и капитенот на Ливерпул, Вирџил Ван Дајк.

„Да, разочаран сум. Тоа е се што можам да кажам. Имаше многу луѓе кои се обидуваа да ги смират, но за жал тоа не помогна. Тоа е што е. Не можете да контролирате 80.000 луѓе. Разочарувачки е да се слушне, не знам како тие луѓе по такво нешто се чувствуваат добро во својата кожа…“, порача Ван Дајк.