ВИДЕО: Шпанска тенисерка го предаде мечот во Токио поради топлотен удар
Огромната жештина во Токио ја спречи шпанската тенисерка Паула Бадоса да се бори достоинствено за полуфиналето на Олимписките игри.
Бадоса го предаде четвртфиналниот меч против чешката натпреварувачка Маркета Вондрушова откако го загуби првиот сет со 6:3.
Шпанскате нисерка неколку пати бараше лекарска помош, поради високата температура, ставаше ладни кеси на вратот за да се олади, но не можеше да го продолжи мечот.
На крајот, таа дури го напушти теренот во инвалидска количка, додека главата ѝ беше покриена со крпа.
Absolutely heartbreaking as Paula Badosa retires due to heat. Vondrousova is into the semis. pic.twitter.com/BNksT22RmZ
— . (@Ashish__TV) July 28, 2021
Вондрушова во полуфиналето ќе игра против Украинката Елина Свитолина која претходно ја елиминираше Италијанката Камила Џорџи двапати со 6:4.
Втората полуфинална двојка на женскиот тениски турнир ќе се формира по одигрувањето на четвртфиналните двојки Пављученкова – Бенчиќ и Рибакина – Мугуруза.