Возач, кој ако се суди по табличките, е од Скопје, вечерва успеа не сакајќи да направи нешто што сигурно не би успеал доколку сакал – тој со автомобилот „Шкода“ вешто се искачи на зеленилото меѓу двете страни на булеварот „Св. Климент Охридски“ и остана цврсто на местото, точно спроти Соборниот храм.

Според тоа како завршила колата, помошта таа да запре, која ја пружил столбот за улично светло, се чини, била добредојдена.

Засега не е јасно како возачот успеал во овој несекојдневен подвиг, но тој бездруго прелетал по крстосницата со „Партизанска“ (и под камерите на „Безбеден град“) со брзина далеку над максимално пропишаните 50 километри на час.

Засега нема информации за повредени во несреќата.

Дрвокрадец без возачка дозвола им избегал на полицајци со „Лада“ по улиците на Кавадарци