ВИДЕО: Руски ракети паднаа во Полска? Има загинати – НАТО на готовс
Две ракети денеска паднаа во село во Полска, при што загинале двајца луѓе, а неименуван висок претставник на американското разузнавање, во изјава за агенцијата АП рекол дека се работи за руски проектили, дел од денешните масивни руски напади врз цели во Украина, јавија светските медиуми.
Полските медиуми објавија снимка од местото на ударот, во селото Пжеводов, на границата со Украина.
Footage from the impact site in Poland pic.twitter.com/56Hqi7GbSB
— Faytuks News Δ (@Faytuks) November 15, 2022
Американскиот разузнавач за АП вели дека ракетите се од денешниот руски напад врз Киев. Двете жртви се потврдени од полските власти.
Портпаролот на полската влада Пјотр Мулер веднаш не ја потврди информацијата од висок американски разузнавач, кој сакаше да остане анонимен поради чувствителната природа на ситуацијата. Но, Мулер рече дека највисоките лидери на земјата одржуваат итен состанок поради „кризна ситуација“.
Press Secretary of the Government of Poland Piotr Müller:
"In connection with the emergency situation, Prime Minister Morawiecki, in agreement with President Duda, ordered to convene a meeting of the Committee on National Security and Defense Issues. pic.twitter.com/HOX923bbEo
— ТРУХА⚡️English (@TpyxaNews) November 15, 2022
Украинскиот претседател Володимир Зеленски претходно изјави дека Русија во денешниот напад истрелала најмалку 85 проектили, „повеќето од нив кон нашата енергетска инфраструктура“, што предизвикало прекин на струјата во многу градови.
Портпарол на Пентагон изјави дека засега немаат информации за да го потврдат медиумските извештаи, но дека „ги сфаќаат сериозно и ги разгледуваат“. НАТО има принцип на колективна одбрана, што значи дека нападот на една членка се смета за напад врз сите земји-членки на Алијансата.