Фудбалерите на Реал Мадрид на домашен терен беа подобри од Хетафе со минимален резултат 1:0 во натпреварот од 34 коло во „Ла Лига“.

Стрелец на единствениот гол за „кралскиот“ клуб го реализираше Марко Асенсио во 70 минута на стадионот „Сантјаго Бернабеу“.

Играчите на Карло Анчелоти се на второто место на табелата во најсилното шпанско првенство со 71 бод, два повеќе и натпревар повеќе од третопласираниот Атлетико Мадрид. Екипата на Хетафе е на 18 позиција со 34 бодови.

Во другите мечеви одиграни во саботата: Реал Сосиедад – Жирона 2:2, Осасуна – Алмерија 3:1 и Виљареал – Атлетик Билбао 5:1.

Реал најверојатно „се откажа“ од битката за титулата во шампионатот, па така сите погледи се насочени кон полуфиналниот реванш дуел во Лигата на шампионите против Манчестер сити на „Етихад“ в среда.

Потсетување дека во првите 90 минути резултатот во главниот град на Шпанија беше 1:1.