Во необично јавно појавување за актуелен политички лидер, ерменскиот премиер Никол Пашинјан се качи на сцената во Ереван за да свири тапани на концерт што го организираше со својот бенд, привлекувајќи го вниманието и на јавноста и на медиумите.

На нстанот, одржан во ерменскиот главен град, Пашинјан првпат јавно да се појави како музичар пред голема публика. Концертот беше најавен однапред, а влезот беше дозволен само по онлајн регистрација, што укажува на организиран интерес и контролирано присуство.

Откако заврши настапот, премиерот објави извадоци од концертот на своите профили на социјалните мрежи, според локалниот медиум Caliber.Az, прикажувајќи снимки од сцената и неговото учество на музичкиот настан.

Пашинјан се појави со неговиот бенд, наречен „Варчабанд“. Името е игра на зборови и го комбинира ерменскиот збор „варчапет“, што значи „премиер“, со англискиот збор „бенд“, нагласувајќи ја единствената природа на проектот. Покрај него, групата вклучува пијанист, гитарист, саксофонист и две пејачки.

Armenia’s prime minister to debut with his band in Yerevan concert

Nikol Pashinyan said he will make his musical debut on Jan. 30, performing in Yerevan with his newly formed band.

Pashinyan announced the concert on social media, unveiling the band’s name and logo –… pic.twitter.com/57SM50mD1Z

— JAMnews (@JAMnewsCaucasus) January 26, 2026

Интересот на ерменскиот премиер за музика не е нов. Во август 2025 година, ерменскиот весник „Грапарак“ откри дека Пашинјан и неговата сопруга Ана Хакобјан започнале часови по музика, учејќи да свират разни инструменти, вклучувајќи гитара и тапани. Кратко потоа, тој објави видеа од себе како свири тапани, предизвикувајќи коментари и дискусии во земјата.

Пашинјан, сепак, не е единствениот светски лидер кои се занимава со перкусии. Јапонската премиерка Санае Такаичи претходно учествувала во хеви метал бенд, а неодамна свиреше тапани на популарни K-поп песни со јужнокорејскиот претседател Ли Џе-мјунг.