Српскиот претседател Александар Вучиќ го посети градот Бор, каде се случи контроверзна сцена. По инсистирање на претседателот, една жена јавно откри пред своето болно дете и присутните дека не му е биолошка мајка, објавија српските медиуми.

Инцидентот започнал кога Гордана Кариќ, корисничка на социјална помош, побарала збор за да укаже на административните проблеми со кои се соочува. Таа објаснила дека веќе девет месеци не прима никаква помош за болното дете, кое има сериозни срцеви проблеми и повеќе операции.

Наместо директен одговор за застојот во исплатите, Вучиќ изјавил дека институциите имаат процедури и дека Центарот за социјална работа ја проверува имотната состојба на корисниците, сугерирајќи дека можеби постојат законски причини за доцнењето.

Žena govori da ne može priča pred detetom.
Monstrum insistira da mu se kaže u čemu je problem.
Žena pred detetom otkriva da mu ona nije majka nego da je staratelj i da mu je majka preminula.

PAKAO pic.twitter.com/YN5taNB3iP

— Суки (@doktorzakrave) February 20, 2026

Жената, видно вознемирена, рекла дека нема имот освен куќата во која живеат и предупредила дека не може да зборува за сите детали пред детето, бидејќи тоа не ја знае вистината.

Сепак, според извештаите, Вучиќ инсистирал да ги изнесе сите информации за да може, како што рекол, „проблемот веднаш да се реши“. Под притисок, жената низ солзи открила дека детето всушност не е нејзино, туку дека таа е негова стрина која се грижи за него веќе 13 години, откако неговата мајка починала.

Како што пренесува Нова.рс, за контроверзниот случај веднаш се појавија повеќе реакции, меѓу кои и студентите од Нови Сад. Тие реагираа со зборовите: „Живееме пекол“.

Živimo pakao. https://t.co/41nXzhHpH7

— MFNS blokada (@blokada_mfns) February 20, 2026