Самитот во Мадрид е историски, бидејќи во моментов се водат четири војни. Првите две се тивки војни. Тоа е трговско-еконмската или финансиската војна каде главни играчи се Кина и САД. Втората тивка војна е политичката војна која се води помеѓу влијанието на САД и Русија. Третата е оваа варварска војна – ова што се случува во Украина и четвртата е бруталната информациска војна, изјави за Утрински брифинг полковникот Велин Стојановски.

На Самитот во Мадрид, лидерите, шефовите на дрќави, премиерите, ќе ја согледаат геополитичката и безбедносна состојба на глобално рамниште, а после тоа ќе дадат смерници за наредните десетина години како НАТО ќе се справува со тие геополитички и безбедносни предизвици или закани, додава Стојановски.

Во 2010-та година, во тој стратегиски концепт на НАТО, на Русија и е понудено да заземе едно важно место во односите со НАТО. Знаете дека од 1997 година се воспоставени односите меѓу Русија и НАТО. Во 2008-та после настаните во Грузија, односите малку стивнаа, но во 2010-та на Русија повторно и е понудено да заземе едно важно место во градењето на безбедносните стратегии, вели Стојановски.

После ситуација во Крим, Русија се одвои од тие зацртани цели и сега со новиот стратегиски концепт, Русија ќе се третира како закана број 1, додава тој.

Проследете го целиот разговор во видеото