ВИДЕО: Погребна поворка носеше советник од Задар во мртовечки сандак, „воскресна“ пред седница
Советникот во градското собрание на Задар Енио Мештровиќ, познат како Ричард, денеска на седница дојде во мртовечки ковчег.
Тој изведе перформанс во кој погребна поворка го донесе до градската управа, а кога стигна таму едноставно „воскресна“. Неговиот перформанс беше одговор на некрологот кој неодамна на Фејсбук го објави претседателот на градскиот одбор на СДП во Задар Даниел Радета.
Пред градскиот совет утрово е организиран протест на противниците на мерките, кои на советниците и на новинарите не им дозволуваа влез во зградата, а ги поддржа и советничката Марјана Ботиќ, инаку противничка на ковид потврдите. Тие формираа човечки синџир.
-Ако претприемачите не можат да работат, ако мора да се придружуваат кон залудните мерки, тогаш тоа не е добро за овој град. Овие луѓе овде, слободните луѓе на Задар, дојдоа да им кажат на сите во градската управа да не се придржуваат кон бесмислените мерки“, зборуваше Ботиќ.
Градската управа на Задар треба да го разгледува буџетот на градот за идната година тешка 787 милиони куни, кој е речиси за 80 милиони куни повисок отколку оној за годинава, а дури 200 милиони отпаѓаат на градежни работи.