ВИДЕО | Почна големиот протест: Илјадници работници стигнаа пред Работничкиот дом
Илјадници работници од сите градови од Македонија дојдоа пред Работничкиот дом за да го искажат своето незадоволство од растечките трошоци на животот и да побараат зголемување на минималната плата во државата, а со тоа и на сите плати.
Препорачано
Под мотото „28-ми јануари е денот кога работниците зборуваат!“ тие бараат зголемување на минималната плата на најмалку 600 евра и соодветен пораст на сите други плати за 6.000 денари.
Со транспаренти во рака: „Бараме пристојна плата“, „Зголемување на сите плати“… работниците го искажаа својот револт од досегашното однесување на стопанствениците и на Владата. Во позадина одекнуваа звуците на Лева патика: „Сакам БМВ Алпина, но немам ни за Дрина…”, „Буѓав лебац“, но и „Интернационалата“.
Работниците скандираа: „Лопови!“
Претседателот на ССМ, Слободан Трендафилов, им порача дека ова е нивна борба и со својата масовност покажуваат дека ова не е проблем
на поединци.
„Нема повеќе да се молиме, ќе се бориме. Од пред симболот, Работничкиот дом, одиме пред Собранието, кај газдите и пред Владата. Нека не бројат -многу сме!“, рече Трендафилов.
