Групата „UB40“, именувана по формуларот што го предвиде британската влада во раните осумдесетти за невработените, стекна слава од почетокот на својата кариера со својот уникатен спој на реге и поп. Името на групата основана во Бирмингем во 1978 година се однесува на британскиот образец за невработеност (Unemployment Benefits, Form 40).

Меѓу најголемите хитови на бендот се сингловите „Red Red Wine“, „Rat in Me Kitchen“, „Sing Pur Own Song“ и „Can’t Help Falling In Love“ или нивната визија за песната на „Kingstown Town“.

Теренс Вилсон, познат под уметничкото име Астро, настапуваше со „UB40“ до 2013 година, кога формираше нов бенд.

„Ние сме уништени од загубата на нашиот драг Астро, која почина по кратко боледување. Светот веќе нема да биде ист без него“, напиша на Твитер неговата сегашна група наречена „UB40 featuring Ali Campbell & Astro.“.

We are absolutely devastated and completely heartbroken to have to tell you that our beloved Astro has today passed away after a very short illness. The world will never be the same without him.

We ask you to please respect his family’s privacy at this incredibly difficult time. pic.twitter.com/GRDjtApyzy

— ALI CAMPBELL & ASTRO (@UB40) November 6, 2021

Во својата кариера, бендот само во Велика Британија имаше 36 синглови, кои беа меѓу првите 40 на британската листа, а гледајќи наназад за нивниот успех со поранешниот бенд, Астро во мај во интервјуто за „Гардијан“ изјавил дека станале „гласот на работничката класа“, пеејќи за политичките и општествените проблеми што го потресуваат светот од почетокот на осмата деценија на 20 век.

– Ни беше многу потешко да пишуваме љубовни стихови отколку ангажирани, бидејќи нам ни беше природно да пишуваме за работи на кои сме биле сведоци и кои се случувале пред нашите очи – изјави музичарот за британскиот дневен весник.

Обработката на песната на Нил Дајмонд, „Red Red Wine“, го исфрли „UB40“ на врвот на популарноста со повеќе од 100 милиони продадени плочи.